Kryetari i Grupit Parlamentar të PD-së, Enkelejd Alibeja paraqiti sot platformën e bashkimit të PD-së e cila është firmosur nga rreth 32 deputetë, duke filluar nga Lulzim Basha, Agron Gjekmarkaj, Dashnor Sula, Alfred Rrushaj, Ferdinand Xhaferaj dhe e të tjerë.
Alibeaj ku theksoi se disa prej deputetëve kanë kërkuar që në këtë draft të përfshihej dhe fakti që Sali Berisha të mos ishte pjesë e Grupit të PD-së, por pa bërë më dije emrat e propozuesve të kësaj kërkese.
Më tej, Alibeaj tha se këto kërkesa të deputetëve nuk janë pranuar të ishin pjesë e platformës, pasi nuk kanë gjetur mbështetjen e të gjithë deputetëve që kanë firmosur draftin.
Alibeaj mes të tjerave theksoi se Agron Gjekmarkaj dhe Ferdinand Xhaferraj kanë kërkuar që të ndalohej drejtimi i Partisë Demokratike ndaj një kandidati që ka patur drejtimin e partisë për dy vite radhazi dhe që ka humbur zgjedhjet parlamentare që në këtë rast penalizon Sali Berishën dhe Lulzim Bashën.
“Ka patur propozime shtesë:
1. Agron Gjekmarkaj dhe Ferdinand Xhefrraj të shtohej se: Të përjashtohet nga çdo drejtim i partisë çdo person që ka patur drejtimin për dy vite apo që nuk ka fituar zgjedhjet parlamentare.
2. Alfred Rrushja, kishte komente për zgjedhjen e kryetarit të partisë.
3. Kishin dhe disa kolegë që kërkonin që Sali Berisha nuk mund të jetë pjesë e grupit parlamentar.
Por përsa kohë që nuk kishin dakordësinë e shumicës, ato nuk mund të përfshiheshin në këtë platformë.
Këtë qëndrim të grupit parlamentar do ja bëj me dije kryesisë dhe anëtarëve të Këshillit Kombëtar dhe të Kolegjit të kryetarëve”, tha Alibeaj./m.j
