Bie numri i nxënësve që frekuentojnë arsimin parauniversitar në Shqipëri. Sipas INSTAT, për vitin shkollor 2020 -2021 regjistrimet u ulën me 4.6% krahasuar me një vit më parë. Ekspertet e arsimit shohin si faktorë kryesorë, rënien e lindshmërisë dhe emigrimin.
“Ka fëmijë që kanë mbaruar klasën e 8, por që nuk figurojnë të jenë të regjistruar në arsimin e mesëm. Ne nuk dimë se çfarë ndodh me këta fëmijë pra që i përkasin më pak tregut të punës, që bien pre e trafikimit apo shfrytëzimit. Në 10-vjeçarin e fundit janë 60 mijë fëmijë shqiptarë që kanë kërkuar azil në vendet e BE. Do të thotë që nuk janë në Shqipëri, nuk janë as në sistemin mësimor”.
Për ekspertët, buxheti për arsimin përveçse i ulët nuk i përgjigjet nevojave që kanë nxënësit.
“Në Shqipëri buxhetohet për numra dhe jo për nevoja. Pretendohet në nivel ndërkombëtar që çdo shtet të alokojë 5 % të GDP për arsimin. Ndërkohë që ne nuk alokojmë as 3% te GDP për arsimin, ku 80% e kësaj shumë shkon për pagesa dhe siguracionet e mësuesve. 20% ngelet për fëmijët. nuk ju ka garantuar atyre një vakt ushqimor, nuk i garantuar arsimin”.
Sipas Pinos, strategjia për arsimin duhet të kthejë fokusin nga braktisja e shkollës, duke krijuar sidomos kushte për fëmijet që vijnë nga grupe te margjinalizuara.
.a,r
