Një shqiptar është arrestuar nga policia italiane, pas hetimeve të gjata për një grup trafikantësh droge.
Arrestimi i tij vjen pak muaj pas prangosjes së tre personave të tjerë, anëtarë të së njëjtës bandë, mes tyre edhe dy shqiptarë.
Në pranga ka përfunduar një 39-vjeçar, në kuadër të hetimit “Officina criminale” i zhvilluar nga policia në Abano Terne, në fillim të këtij viti.
Arrestimi i tij e çon në katër numrin e shqiptarëve të arrestuar, përveç dy italianëve. Ai akuzohet si pjesë e organizatës që merrej me prodhimin dhe shitjen e kokainës së pastër.
Hetimet filluan në janar, kur policia zbuloi një ndërtesë në rrugën Piemonte në një zonë industriale.
Në pranga përfunduan Artur Hysa, 39 vjeç dhe 34 vjeçari Jetmir Hallunaj, të cilët janë parë duke i dhënë një armë 52 vjeçarit italian, Antonio Francesco Durante.
/b.d
