Theresa May ka përjetuar disfatën më të rëndë parlamentare të një kryeministri britanik në epokën demokratike, pasi anëtarët e parlamentit të vendit kanë hedhur poshtë marrëveshjen e saj me Bashkimin Evropian për daljen e Britanisë nga blloku evropian, me një shumicë të madhe prej 230 votash.
Konservatorët që mbështesin “Brexit”-in kanë bashkuar forcat me partitë opozitare për të goditur qeverinë në “votimin e rëndësishëm”, të cilin kryeministrja e vendit e kishte shtyrë para Krishtlindjes, me shpresën se disa anëtarë të parlamentit do të ndryshonin qëndrim.
Pas rrëzimit të marrëveshje, May do të përballet edhe ne një mocion mosbesimi në parlament ditën e nesërmeve
Jeremy Corbyn konfirmoi se ai kishte paraqitur një votim mosbesimi, i cili do të mbahet të mërkurën.
Nëse qeveria nuk mbijeton, vendi mund të shkojë në zgjedhje të parakohshme. Dy janë zgjidhjet më të mundshme, dalja pa marrëveshje ose një referendum i dytë që mund ta anulojë Brexitin. Tashmë mbeten edhe rreth 70 ditë nga afati përfundimtar i daljes së Britanisë nga BE.
May tha pas votimit dramatik se do të organizojë diskutime me partitë e tjera për të parë se si ajo mund të gjejë një rezolutë që do të ishte e pranueshme për të gjithë.
/a.meta
