Presidenti i SHBA, Joe Biden ka reaguar ndaj lajmeve të fundit se çmimet e konsumit janë rritur me 7.9%, duke sugjeruar se raporti i ri indeksit të çmimeve të konsumit pasqyron shtrëngimin që amerikanët po ndjejnë si pasojë e pushtimit rus të Ukrainës.
Biden fajësoi presidentin rus Vladimir Putin për rritjen e çmimeve, por tha se kostot që SHBA i ka vendosur Rusisë si përgjigje janë “shumë më shkatërruese” sesa kostot me të cilat përballen amerikanët.
“Një kontribues i madh në inflacion këtë muaj ishte rrithe e çmimeve të gazit dhe energjisë pasi tregjet reaguan ndaj veprimeve agresive të Putinit. Siç e kam thënë që në fillim, do të ketë kosto pasi ne vendosëm sanksione në përgjigje të luftës së paprovokuar të Putinit, por amerikanët duhet ta dinë se kostot që po i imponojmë Putinit dhe miqve të tij janë shumë më shkatërruese sesa kostot me të cilat përballemi.”
Ai vuri në dukje përpjekjet për të ulur çmimet, duke përfshirë dhe veprime që administrata po merr për të forcuar zinxhirët e furnizimit dhe për të nxitur konkurrencën.
/a.r
