Është ceremonia e ndarjes së shpërblimeve, e cila i nderon më të mirët e muzikës country, por ishte diva e muzikës pop dhe R&B, Beyonce, ajo e cila e rrëmbeu qendrën e vëmendjes në edicionin e 50-të të ndarjes së shpërblimeve “CMA”, me interpretimin e mrekullueshëm të këngës “Daddy Lessons”, me ç’rast në skenë u shoqërua edhe nga grupi “Dixie Chicks”.
Ceremonia, e cila u përcoll nga një numër i madh i yjeve të muzikës në Amerikë, u udhëhoq nga këngëtarët e muzikës country, Brad Paisley dhe Carrie Underwood.
Ata shkëlqyen në skenë me mënyrën se si e udhëhoqën këtë ngjarje. Ndërsa, ndër personat e nderuar gjatë mbrëmjes ishin: Dolly Parton, Garth Brooks, Kenny Chesney, Carrie Underëood, Chris Stapleton etj.
Karakteristika tjetër e mbrëmjes ishin edhe perfomancat e yjeve të ndryshëm në skenë, të cilët u kujdesën për disponimin e të pranishmëve, të tillë si: Miranda Lambert, Tim McGraw, Keith Urban, Luke Bryan, Eric Church, grupi Pentatonix etj, përgatiti Koha. (b.an)
