Betohet kryetari i ri i bashkisë së Devollit, socialistët konstituojnë këshillin e ri te n/prefektura, PD-ja s’liron zyrën

Kryetari i ri i bashkisë së Devollit Eduard Duro është betuar ditën e sotme pas konstituimit të këshillit. Ai u shpreh se nga sot fillon një qeverisje e re.

“Nga sot për Devollin fiton një qeverisje e re, që do të ndryshojë qytetin e Bilishtit dhe fshatrat e Devollit” tha ai.

Mbledhja u zhvilloi te godina e n/prefekturës, pasi demokratët nuk e lejuan që të zhvillohen te bashkia e Devollit, që drejtohet nga i zgjedhuri i PD-së.

Ndërsa kryetari i ri i këshillit bashkiak të Devollit do të jetë Eroldin Begolli. Ai ishte i vetëm në garë për këtë post, ndërsa u zgjodh pas votimit të 20 anëtarëve, pasi njëri nuk mori pjesë në votim.

Edhe anëtarët e këshillit bashkiak të Devollit janë betuar në mbledhjen që u zhvillua në ambientet e n/ prefekturës.

Kryetari në detyrë i bashkisë së Devollit bashkë me administratën dhe militantët e partive opozitare nuk i kanë lejuar socialistët që të konstituojnë këshillin e ri bashkiak në ambientet e institucionit.

Kjo ka bërë që socialistët me këshilltarët e rinj dhe kryetarin e bashkisë të zhvendosen në ambientet e n/ prefekturës për të bërë konstituimin.

Të pranishëm si përfaqësues të PS-së janë kryetari i grupit të PS-së, Taulant Balla, Niko Peleshi, por edhe deputetja e zonës.

Nga na tjetër koordinatori i PD per Devollin, ish-deputeti Endri Hasa ka reaguar pas betimit të kryetarit të ri të bashkisë.

“Paligjshmëria e 30 Qershorit po thellohet akoma më shumë sot në Bashkinë e Devollit. Të pavotuar nga shumica e devollinjve, ediramat e Devollit janë mbledhur në ilegalitet, larg qytetarëve dhe po marrin në godinat e qeverisë mandatet e pavleshme të këshilltarëve bashkiakë”, tha ia.

g.kosovari