Mbyllet barazim 1:1 superndeshja Partizani-Kukësi, e cila u luajt në stadiumin “Selman Stërmasi”. Pjesa e parë u mbyll 1:0 në favor të Kukësit, por në minutën e parë të pjesës së dytë Ekuban ka barazuar rezultatin në 1:1.
Ndeshja ishte e bukur dhe me raste nga të dyja ekipet.
Ndeshja mori një rëndësi të madhe pasi në lojë është çështja e titullit kampion në Shqipëri.
Në pjesën e parë nuk munguan rastet për të dyja skuadrat ndërsa të shumtë kanë qenë të ndëshkuarit me të verdhë. Për kryeqytetasit u ndëshkua Vila dhe Torrasa, ndërsa për Kukësin u ndëshkua Alla dhe Shameti.
Kur kanë mbetur edhe 5 javë nga fundi i kampionatit, Partizani dhe Kukësi janë në pikë të barabarta (66) dhe në të dy kampet kjo përballje konsiderohet si një finale e vërtetë.
Policia kishte marrë masat e saj për mbarëvajtjen e kësaj ndeshjeje, duke angazhuar rreth 400 forca, një numër ky që është më i ulët në krahasim me ndeshjet derbi.
c.a
