Në Indi, lopa është e shenjtë dhe vendi i madh aziatik është tejet i mbushur me këtë lloj kafshe, e cila nuk konsumohet për mish nga banorët vendas hindu. Është normale në këtë vend, që drejtuesit e mjeteve të presin edhe me orë në trafik, pasi një lopë është duke fjetur në asfalt dhe jo vetëm.
Banorët mysliman shpesh bien pre e dhunës kur blejnë lopë për t’i konsumuar. Në Indi, nuk është e çuditshme që industria farmaceutike merret ekskluzivisht, po me lopët. Madje, urina e kaut shitet njësoj si uthulla apo produkte të tjera, vetëm se atje shërben si medikament mjekësor.
Një klip i tv të Katarit, Al Xhazera tregon se si shpërndahet nëpër shishe urina e kaut dhe banorët pretendojnë se ajo shëron verdhëzën, hepatitin B, diabetin dhe sëmundje të tjera kronike. Kërkimet për urinën e kaut nisën në vitin 1994.
“E kam ndërtuar me duart e mia këtë fabrikë. Ne gjithashtu, bëjnë plehra organike, antiseptikë dhe antibiotik. Ne bëjmë ilaçe vetëm nga urina e lopës”, thotë një “prodhues”.
Ata pretendojnë se gazrat e emetuara nga urina e lopës dhe bajgat janë kundër rrezatimit atomik dhe mund të jetë kurë e mirë kundër kancerit. Sipas tyre, kjo mund të sjellë një revolucion të madh.
