Besim Hajdarmataj, Prokuror në Prokurorinë pranë Gjykatës së Shkallës së Parë për Krime të Rënda ka aplikuar për të qenë pjesë e SPAK.
Ish-kreu i Prokurorisë për Krime të rënda është prokurori i 13-të që aplikon për anëtar të Strukturës së Posaçme Antikorrupsion.
Aplikimet për 15 vende në SPAK janë të hapura deri në 6 shkurt. Në institucionet e reja që pritet të formohen për llogari të reformës, pritshmëria më e lartë publike është për SPAK, strukturën e veçantë që do të hetojë dhe vendosë para përgjegjësisë politikanët dhe zyrtarët e lartë.
Prokuroria e Posaçme (SPAK) i kryen funksionet e saj në mënyrë të pavarur, nëpërmjet prokurorëve të posaçëm, të cilët emërohen nga Këshilli i Lartë i Prokurorisë.
