Melbourne Victory është kualifikuar në finale falë një goli të shënuar nga sulmuesi shqiptar, Besart Berisha, transmeton Koha.net.
Top golashënuesi në futbollin elitar australian, Berisha, edhe njëherë u tregua vendimtar për skuadrën e tij, duke shënuar me kokë ndaj ish-skuadrës së tij Brisbane Roar në gjysmëfinale të “play-offit”.
Ai shënoi nga afërsia pas një krosimi të bukur nga Ben Khalfallah në minutën e 70.Në finale do të përballet me Sydneyn, që e mposhti Perth Gloryn në gjysmëfinalen tjetër 3-0.
Besart Berisha javë më parë kishte kërkuar hakmarrjen ndaj Sydneyt, e cila ka fituar tre përballjet e fundit ndaj ekipit të përfaqësuesit të Kosovës.Finalja zhvillohet më 7 maj, dhe Melborune Victory është në kërkim të titullit të katërt. (b.an)
