Javanews/ Vendimi i qytetarëve britanikë për të lënë pas krahëve BE-në, tregon se Donald Trump mund të fitojë, nëse demokratët nuk përqafojnë idenë e ndryshimeve të guximshme ekonomike. Në një op-ed (opposite the editorial page) shkruar për Neë York Times, të titulluar “Demokratët duhet të zgjohen nga gjumi”, Bernie Sanders analizon votën që solli Brexit. Sanders shkruan se pretendimet nacionaliste dhe shumë herë ksenofobike të Britanisë, për të lënë BE-në, rezonuan tek frustracioni i shumë forcave punëtore, që luftojnë për të qenë pjesë e ekonomisë globale. Sipas tij edhe punëtorët amerikanë ndjejnë të njëjtat ankthe e frustracione e janë subject i po të njëjtit “rezonim” populist, si ai që bën Donald Trump.
“A mundet që ky rrefuzim I formës së ekonomisë globale të ndodhë edhe në SHBA? E vëmë në bast që mundet!” –shkruan Sanders.
“Nocioni se Donald Trump mund të përfitojë nga të njëjtat forca që i dhanë shumicën përkrahësve të Brexit duhet të tingëllojë si një alarm për Partinë Demokratike në SHBA… Miliona votues amerikanë, ashtu si votuesit pro largimit në Britani, janë kuptueshëm të inatosur dhe të frustruar nga forcat ekonomike që po shkatërrojnë klasën e mesme”- shkruan më tej Sanders.
Sipas Sanders, zgjidhja për t’ju shmangur këtij skenari është që demokratët do duhet njëkohësisht të mbështesin bashkëpunimin ndërkombëtar si dhe të adoptojnë politika të dizenjuara për të përmirësuar jetën ekonomike të amerikanëve. Me këtë Sanders nënkupton luftën ndaj evazionit që bëhet me taksat e korporatave, mosnënshkrimin e marëveshjeve tregtare me vende të tjera që dëmtojnë drejtpërdrejtë punëtorët amerikanë si dhe së fundmi por jo nga rëndësia, uljen e shpenzimeve për ushtrinë.
Në këtë moment krucial, Partia Demokratike dhe një President I ri democrat duhet ta bëjnë të qartë se ne jemi në krah të atyre që kanë vuajtur dhe të atyre që janë lënë prapa… në duhet të krijojnë ekonomi nacionale dhe globale që funksionojnë për të gjithë, dhe jo për një grusht bilionerësh”- shkruan Sanders./java/a.k
Shkrimin e plotë të Bernie Sanders në New York Times mund ta lexoni KËTU
