Berlini paralajmëron: BE ka dështuar totalisht në mbrojtjen e kufinjve të saj
Tragjedi e re në Mesdhe: 28 refugjatë janë mbytur në ujrat greke. 68 të tjerë janë shpetuar nga forcat detare kurse 30 persona kanë dalë me not në ishullin e Farmakonisit, në juglindje të Egjeut.
Nderkaq 42 refugjatë të tjerë u gjetën në një kamion frigorifer në Gjermani. Gjendja e tyre është e mirë. Këto lajme e kanë shtyrë Berlinin që të bëjë deklarata të ashpra në 24 orët e fundit. Gjermania po flet për “falimentim total të Bashkimit Europian” për të mbrojtur kufinjte e tij.
Ministri gjerman i transportit, por edhe kryetari i bashkisë së Mynihut kanë qenë të ashpër në deklarimet e tyre. Ministri Dobrint ka thënë se “duhen masa të rrepta në kufinjte tanë kombëtarë, meqenëse BE ka falimentuar komplet në ruajtjen e kufinjve të saj”. Kurse kryetari i bashkisë së Mynihut ka deklaruar se “nuk dimë më si të veprojmë me refugjatët. Çdo dy orë në stacionin e trenave të qytetit arrijnë 500 refugjatë të rinj”, tha ai. “Mynihu dhe Bavaria nuk mund t’u bëjnë ballë të vetme kësaj emergjence”, tha Rieter.
