Kontaktet janë të vazhdueshme ndërmjet Bashkimit Evropian dhe Greqisë për gjetjen e një zgjidhje të ndërmjetme lidhur me borxhin që shteti fqinj ka. Edhe pse javën e kaluar, Greqia vendosi t’u thotë “Jo” masavë shtrënguese të kreditorëve të huaj, BE-ja, dhe më konkretisht Gjermania ka përsëritur thirrjen e saj për një marrëveshje të mundshme mes palëve.
Në të kundërt, Greqia do të dalë nga Eurozona, e ashtuquajtura Grexit. Ashtu siç është paralajmëruar vendimi për këtë pritet të merret ditën e nesërme pas takimit që gjermanët do të zhvillojnë me qeverinë greke. Por sipas të përditshmes Frankfurter Allgemeine Zeitung, Gjermania duket jo fort e bindur në lidhje me gjetjen e një marrëveshje.
Në këto kushte, shteti gjerman duket se i ka propozuar Greqisë dalje nga Eurozona për të paktën 5 vitet e ardhshme. Ky arsyetim i gjermanëve vjen për t’u dhënë kohë grekëve, për t’u rimëkëmbur ekonomikisht.
Gazeta gjermane i referohet një dokumenti të Ministrit gjerman të Financave. Megjithatë, po sipas gazetës, qeveria greke nuk duket se do ta pranojë këtë propozim pasi sipas helenëve, që vendi i tyre të rimëkëmbet ka nevojë për reforma të tjera.
