VIDEO / Berisha vijon me gafa edhe në Librazhd, Alizoti i turret socialistëve: Do t’ju hamë të gjallë o maskarenj!

Kreu i PD-së Sali Berisha zhvilloi sot një miting elektoral përmbyllës për zgjedhjet e 11 majit në qarkun e Elbasanit.

Berisha i shoqëruar edhe nga kandidatët dhe kreu politik i qarkut Tomor Alizoti, të cilit ia ngatërroi përfaqësimin, duke thënë në nisje të fjalës së tij “i nderuar zoti Alizoti, drejtues i qarkut të Beratit!”, bëri prezantimin e programit në takimin me mbështetësit në Librazhd-Prrenjas.

“I nderuar Tomor Alizoti, udhëheqës politik i qarkut të Beratit…! Më falni, udhëheqës politik i qarkut të Elbasanit…!”, tha Berisha teksa ngatërrohej me fjalët e tij duke mos e ditur se Alizoti nuk është më kandidat për zonën e Beratit, me një tjetër demencë politike.

Sakaq, Alizoti ka paralajmëruar socialistët që të mos prekin demokratët duke iu drejtuar “juve do iu hamë të gjallë”.

“Ju që doni të shkatërroni Shqipërinë, ju analfabetë, ju maskarenj , do ju hamë të gjallë”, u shpreh ai.

Alizoti iu drejtua duke thënë që të mos guxojnë të shkojnë natën nëpër shtëpitë e banorëve, ndërsa i kaloi fjalën Sali Berishës duke u shprehur “doktor, jepi se ty të kanë më shumë frikë”.