Nuk kanë munguar as në seancën e sotme të Kuvendit akuzat e ndërsjellta ndërmjet kryeministrit Edi Rama dhe paraardhësit Sali Berisha.
Ka qenë ky i fundit që ka përsëritur akuzat e opozitës, se me dyshen Rama-Meta vendi po shkon drejt rrokullisjes. Sipas Berishës, vendi ka degraduar me sistemin e doganave ku në krye të tyre ka vendosur persona me rekorde kriminale. Po ashtu sipas ish-kryeministrit, edhe biznesmenët e huaj kanë humbur besimin dhe po largohen nga vendi.
“Në dogana jeni pikatë. Jeni 3.5 milion lekë më pak se në vitin 2013. Keni mbush doganat me trafikantë. Sokol Zhuka i dënuar me vendim të prerë në shtetin Italian për drogë është vendosur në doganën e Kakavijës që të bëjë drogën. Është i vendosur nga Edi Rama. Edhe vëllai i tij është drejtor i OSHE-së në Kamëz, por për të nuk them gjë. Bëj thirrje që pasuritë e para që duhet të hetohen të jenë ato të kryeministrit shqiptarë. Po largohen masivisht biznemenë nga vendi. U xhindos Veliaj kur unë i thash për të shoqen. Po tani që i dolën të gjikthë dokumentat e Velicës. Me firmën e saj. Ka folur ndonjëherë ai për vilën. 200 mijë euro vilë. Nuk e le vila e Surrelit të flasë. Unë nuk kam asgjë pse ai ka vijë. Ai nuk flet fare. A kemi standarde apo jo. Kriminaliteti duhet luftuar me standarde. Këta që kanë marë përsipër hetimin e zyrtarëve të lartë u bëj thirrje ta shtrijnë atë tek zyrtarët e lartë më parë.” tha Berisha
Por në reagimin e tij, Kryeministri Edi Rama iu drejtuar paraardhësit të duke i thënë se shpreson që zgjedhjet e 21 qershorit ta sjellin në vete.
“Atë që s’ua u bëri 23 qershori shpresoj t’ua bëj 21 qershori që tju sjellë në vete se jeni komplet jashtë vetes.” u shpreh Rama
