Kuvendi do të votojë të enjten në seancë parlamentare për masën e arrestit ndaj Sali Berishës.
Vendimi u mor pas 4 orësh diskutimesh në Këshillin e Mandateve ku 5 votave të mazhorancës iu bashkua edhe Enkelejd Alibeaj i kampit të Lulzim Bashës.
I ftuar në emisionin “Drejt” përballë moderatorit Luan Rama në Ora Neës ish-kryeministri Sali Berisha u shpreh se kjo që po ndodh ndaj tij është pasojë e një vendimi të marrë nga DASH.
Por tha Berisha nëse del një dokument i vetëm që të faktojë korrupsionin e pretenduar atëherë ai do të largohet përfundimisht nga politika.
Unë nuk mund të mohoj se jam person i shpallu non grata nga Sekretari Blinken. Por të garantoj ashtu sicc kam thënë dhe më herët, se nëse del qoftë dhe një dokument i vetëm që të faktojë korrupsionin, unë largohem nga politika”, u shpreh Berisha.
Mbledhje dhe protestë
Mbledhja u zhvillua nën masa të forta të policisë. 700 efektivë rrethuan godinën për shkak të protestës së PD-së duke siguruar hyrjen e dy prokurorëve, por edhe të deputetëve.
Pas votimit të së enjtes në Kuvend, prokuroria do t’i drejtohet Gjykatës për të vijuar me masën e arrestit deri në përfundimin e hetimeve për privatizimin e ish-kompleksit “Partizani”./m.j
