Berisha e ka bërë thuajse ritual shëtitjen buzë detit në bregun përballë vilës së tij në Gjirin e Lalzit. Shpesh thuhet si ka mundësi që askush nuk reagon dhunshëm ndaj tij duke patur parasysh ato që ishkryeministri ka bërë gjatë jetës së tij politike. Por jo të gjithë janë pasivë. Një grup të rinjsh, të cilët ndodheshin dje në bregun e detit në Lalëz kanë menduar të reagojnë kur në sfond u është shfaqur ishkryeministri dhe bashkëshortja e tij – raporton DITA.
Reagimi ka qenë vërtet interesant. Të rinjtë kanë menduar të këndojnë “Internacionalen”. Ndoshta për t’i kujtuar Saliut rininë. Ky i fundit është ndier i provokuar. Ai ka ngritur dy gishtat lart, por të rinjtë nuk duken dhe aq miqësorë me të. Ata kanë bërtitur më pas “Poshtë klasa politike” dhe kanë ngritur grushtet, madje disa edhe gishtin e mesit në drejtim të Berishës /DITA/
