Ish-kryeministri Berisha ka zbutur sot gjuhën duke mos u kthyer në deklaratat e para 10 ditëve për armatosjen e popullit. Por duke akuzuar qeverinë për lidhje me banda, Berisha tha se populli duhet të përdorë çdo formë të mosbindjes civile ndaj mazhorancës qeverisëse.
Ndërkohë, kryeministri Rama ka marrë fjalën në foltore gjatë seancës së sotme duke e akuzuar Sali Berishën se nuk tha asnjë fjalë për reformën në drejtësi gjatë seancës në Kuvend.
“Kisha shumë interes të dëgjoja cfarë do të thotë për reformën në drerjtësi. Dëgjuat gjë? Asnjë fjalë” – tha Rama.
Kreu i PS tha se Berisha është në një rrëshqitje të pandalshme, deklarata këto që u pritën me revoltë nga ana e deputetëve demokratë.
“Të kam thënë edhe herë tjetër që të jesh më i përmbajtur dhe të mos bësh gabime. Saliu duhet çuar në Prokurori, duhet çuar në urgjencë. Sepse është në një rrëshqitje të pandalshme” – tha Rama.
Sipas tij, Berisha foli me heshtjen ndërsa tha se reforma në drejtësi është zotim i aleancës PS-LSI.
“Sali do ta votosh reformën në drejtësi, apo nuk të lë Shullazi dhe Qytetari Dixhital” – pyeti Rama, çka bëri që Berisha të ngrihet sërish në foltore.
“Je futur ne Guiness per borxhet. Meqe fole per reformen, pse e anuluat sot mbledhjene grupit?” – ngriti pyetjen Berisha. Ai tha se qytetari dixhital i fut lepurin ne bark qeverise sepse ai informoi per Riformatton dhe avionin qe u rrezua ne Divjake.
(javanews.al / a.r)
Vijon…
