Ish-kryeministri Sali Berisha ka shpjeguar sot atë që e quajti debati i markimit të naftës, ndërsa pretendoi se sqaroi se çfarë ka ndodhur.
“Për debatin e markimit, ta dini mirë çfarë ka ndodhur. Ne firmosëm një kontratë me një kompani kanadeze, në mënyrë të veçantë që të markohej e gjithë nafta që hynte dhe markohej në Shqipëri. 4 milionë litra naftë pusi u hodhën në benzinatat e vendit, i kapët ju. Fillimisht i thatë jo kompanisë. Mafia e naftës e çoi në Gjykatë Kushtetuese. Gjykata Kushtetuese e gjeti në të gjitha aspektet kushtetuese dhe ligjore kontratën. A e dini se në shtator 2015 ai zotëria që do të pleqërojë me Koçon ka miratuar kalimin e aksioneve nga kompania markuese profesioniste Global Fluid Internacional tek kompania tjetër? 99,5% të aksioneve. Ju që bërtisni, çakejtë e qeverisë, ju i dhatë aksionet… më thonë që kjo është shkelje kontrate se nuk mund të ikte, se ua ngrohu xhepin juve. Gjykata Kushtetuese ka marrë vendim që Global Fluid është 75,5% pronar dhe kompania tjetër pjesën tjetër, po ja që kreu juaj i çmendur për para e ndryshoi situatën”, sqaroi Berisha.
