Ish-kryeministri Sali Berisha ka mbajtur fjalim nga çadra e protestës së opozitës ku janë të pranishëm të gjithë deputetët e opozitës të cilët bojkotojnë Kuvendin prej 2 javësh. Berisha deklaroi se beteja për votën e lirë është e rëndësishmë për të larguar qeverinë e inkriminuar sipas tij. Berisha gjatë fjalimit bëri edhe një krahasim me Kolumbinë.
“Para 3 ditësh këtu ishte ish-kandidatja e Kolumbisë për presidente, të cilën karteli i drogës e grabiti një ditë tek bënte garën për president. Qeveria ndërhyri dhe u lirua, Zonja tha: Shqipëria nuk më duket se Kolumbia. Por atë nuk e rrëmbeue qeveria e Kolumbisë, qeveria e kishte nxjerrë ushtrinë kundër kartelit. Këtu karteli është në qeveri. Këtu, në dallim nga Kolumbia, plantacionet e kanabisit i mbjell kryeministir, këtu i mbjell ministri i rendit, këtu i mbjell partia siçiliste e cila ka shdnërruar strukturat e saj në stuktura kanabiste. Në 2010 në Itali kanë shtuar 65 kg kanabis në një vit, viti 2009 ishte vit zgjedhjesh, kjo ishte ndërhyrja. Sa ka shkuar në vitin 2016, 150 tonelata, statistika e fundit”, deklaroi Berisha.
Ai u bëri thirrje gjithë shqiptarëve t’i bashkohn kauzës së opozitës.
“Dua t’i drejtoj thirrjen më vllazërore çdo shqiptari pavarësisht bindjeve të tij politike. Thirrjen, nëse i besoni apo jo votës së lirë, nëse, duhet apo jo që ne të përcaktojmë votën e lirë.A ka një rrugë tjetër që ju të ndjeheni të lirë, të ndjeheni të sigurtë? Atëherë të zotohemi për votën e lirë, të votojmë ehde për ata të cilët, dhimbja, lotët e mjerimit për kafshatën jua kanë shuaer kuptimin e votës. Problemin e kafshatës do ta zgjidhim vetëm duke votuar të lirë”, tha ai./a.m.
