Ish-kryeminsitri Sali Berisha ka mbajtur një fjalim në çadrën e protestës. Ai i’u referua 22 Marsit si një ditë të rëndësishme në historinë e vendit, por shtoi se edhe sot vendi është thuajse në të njëjtën situatë si 25 vite më parë. Ai tha se ashtu si 25 vite më parë kur u rrëzua diktatura, do të rrëzohet edhe Edi Rama.
“Mere si kërcënim po të duash, nuk do lalrgohesh me marinsa si Noriega, por do të alrgohesh nga këta djem e vajza. Mos gabo, përpiqu dhe gjej minimumin e realizmit, se do të kthejnë jo me lecka, por ashtu si kundër nuk ta pret mendja. Edi Rama, mësoje mirë, po të falëm votën të kemi falur jetën, s’të falim as votën as jetën. Ne jemi njerëz paqësorë, por jemi të gatshëm të mbrojmë me çdo çmim atë që është thelbi i lirisë sonë. Ne e përjetuam njëherë diktaturën, harroje se e pranojmë për së dyti. Ndaj jep dorëheqjen, hap rrugën qeverisë teknike”, tha Berisha.
Më tej ai tha se emrat kanë ndryshuar, por drejtojnë vendin bijtë e drejtuesve të diktaturës.
“Kemi mbi 1 muaj këtu në bulevard, për të kërkuar në mënyrë të qytetëruar lirinë tonë themelore, të votës. Ne, këtë vendim ekstrem, lidershipi i PD dhe opozitës e ka marrë po në kushtet e një imponimi ekstrem, kur klika në pushtet e bijve të atyre që përmbysëm me votë më 22 Mars, ka rikthyer në Shqipëri me emra të tjerë, ka rikthyer absolutisht praktika të papajtueshme për një vend të lirë. Dhe mbi të gjitha, kanë zhdukur, momentalisht për shqiptarët çdo shpresë për të votuar të lirë. Mendoni vetëm për një moment, Shqipëria sot për shkak të politikave elektorale strikte dhe kriminale të Edi Ramës, është mbushur kanabis nga thellësitë e alpeve, deri në skajin më jugor të vendit”, tha Berisha.
