Ish-Kryeministri Sali Berisha ka hedhur akuza të forta sot ndaj Kryeministrit Edi Rama dhe deputetit të PS Koço Kokëdhima si të lidhur me afera korruptive dhe trafik droge.
Në fjalën e tij nga foltorja e Kuvendit, Berisha akuzoi Ramën se e vetmja gjë që i ka dhuruar vendit janë krim dhe trafik droge.
Duke u ndalur në akuzat ndaj Kokëdhimë, Berisha e cilësoi atë si Kryeministrin e Jugut i cili sipas tij nuk ka paguar në 10 vjet asnjë taksë, për shkak se e mbron Rama.
“Vetëm të mos konfrontohet me të vërtetat e tmerrshme që ky lider botëror i krijoi vendit të tij në 2 vjet, krim dhe marrëzira. Rama iku nga burgu si burracak, sepse nuk përballet dot me të vërtetat. Ishte Rama që vendosi heqjen e licensën së Patokut të peshkatarëve dhe ia dha gangsterit të tij. Është Edi Rama i cili aktet e tij të tmerrshme të qeverisjes së tij, duke u zgjedh si krenarë në ditën me diell, i paraqet si sukses. Flet ky për informalitet, ku është ky kryeministër i trafikut të jugut? A e dini që ju 10 vjet nuk ka paguar asnjë taksë? Sepse e mbron Edi Rama. A e dini ju që vetëm 2 suksese ka pasur ky njeri? Futi gazetën e tij në administratë dhe tashmë është kanabisi. Prej kohësh e kam deklaruar se ai është Kryeministër i Jugut. Një njeri për të cilin nuk ka njeri që nuk e di në Shqipëri. A e dëgjuat që policia shkoi 2 herë në Dukagjin? Sepse këto janë aleatët e Kryetarit të Partisë.” tha Berisha
