Sali Berisha gjatë një interviste të dhënë për ABC, ka pranuar aleancën politike me Ilir Metën.
Ai thotë se ky i fundit konsultohet me të, edhe pse e minimizoi, në vetëm për “çështje kushtetueshmërie”.
Ndërkohë, Berisha kërcënoi Edi Ramën, duke thënë se ai po jeton ditët e fundit, jo vetëm në politikë.
“Unë në raport me Edi Ramën dhe çdo zyrtar apo drejtues jam thjesht qytetar.
Edi Rama do largohet nga politika dhe jo vetëm nga politika.
Dhe në ditët e fundit të jetës së tij do vuajë kompleksin e Sali Berishës.
Tani për Ramën mund të themi “Rahmet pastë”, dhe jo vetëm në politikë.
Ai nuk çlirohet dot nga kompleksi Sali Berisha.
Ilir Meta si president për probleme të kushtetuetshmërisë ka pasur raste kur është konsultuar me mua si një ish- president.
Për probleme të kushtetuteshmërisë së vendit, por asnjë problem tjetër.
Veprimet e tij kanë lidhje me mbrojtjen e Kushtetutës dhe jo me fushatën elektorale, siç thotë Edi Rama.
Unë mendoj se Ilir Meta në këtë situatë politike dramatike po stërvepërmbahet.
Me katastrofën që krijoi Edi Rama me pandeminë duhet të studionte me mikroskop Kushtetutën për shkarkimin e Edi Ramës”, tha Berisha./a.p
