Gjatë Foltores së Durrësit, doli në pah edhe detaje të rënda nga katandisja e anëtarësisë së PD-së.
Fillimisht Berisha komentoi skandalin e fshirjes nga listat e anëtarësisë të të moshuarve.
“Një pensionist më takoi në zyrë dhe më tha: hapni ca zyra që të regjistrohemi, se na kanë përjashtuar. Të vijmë të regjistrohemi, ta dinë që jemi edhe ne,” tha Berisha.
Më pas, nga salla, ku duhet thënë se kishte shumë të rinj, një prej tyre tha se çfarë mund të bëhet për meritokracinë në parti, pasi ky është kthyer në problem.
“PD nuk mund të jetë parti e të ardhmes, nëse nuk shndërron në shtyllë kryesore të saj meritokracinë. Ekzistojnë potenciale të jashtëzakonshme për këtë gjë. Kjo nënkupton tërheqjen e një elite të mirë të shqiptarëve brenda dhe jashtë vendit.
Po ju jap një shembull këtu. Në vitin 1991, isha vëzhgues në zgjedhjet në Bullgari. Një parti mbretërore, fitoi 3 përqind të votave.
Kjo parti, pas 5-6 vitesh u bë partia kryesore e Bullgarisë. Ajo arriti të integrojë vendin në NATO dhe BE. Një nga shkaqet kryesore ishte ekipi që zgjodhi. Një ekip ekspertësh me kualifikimet më të larta.
Ua dhashë këtë shembull, që hapja jonë ndaj vlerave të shqiptarëve, kudo që ndodhen, është jetike për të kapur kohën e humbur dhe përshpejtuar zhvillimin e vendit,” tha Berisha.
Sipas tij, pa u reformuar PD-ja, ajo do të vazhdojë të jetë shtojca e qeverisë.
Per hir te se vertetes Simeon vertet erdhi ne pushtet, por pas 3 vitesh largohet nga kryeminister dhe politika, ndersa partia e tij nuk ekziston me sot/m.j
