Siç është bërë traditë tashmë, çdo të enjte parlamenti përfshihet nga debatet që degradojnë në një fjalor të ulët dhe me ofendime personale. Edhe këtë herë, në qendër te debateve është ish-kryeminsitri Sali Berisha. Teksa fliste nga foltorja, disa deputetë socialistë përfshirë dhe Minsitrin e Jashtëm Bushati ndërhynin nga vendi. Berisha i’u përgjigj këtij të fundit me fjalët “këlysh, fundërinë”.
I menjëhershëm ishte edhe reagimi i minsitrit Bushati i cili duke i’u drejtuar Berishës tha “Shih rrugaçin që ke në shtëpi, mos ma bëj mua me gisht”.
“Mor fundërinë, mor këlysh i vogël, mor fundërinë që akuzohesh për gylenist…ai është fundërinë. Në qoftë se rrugeçër të rritur nga kodoshët lihen të flasin në këtë mënyrë kjo ëhstë një gjë shumë e rëndë. O budallenj, o çakenj, jam Sali Berisha unë. E di si më dukeni ju mua, më dukeni si plehra. (u drejtohet deputetëve socialist që flasin nga vendi) Para interesit kombtar nuk njoh asgjë tjetër unë. I futët thikën Kosovës në marrëveshjet që bëtë me Serbinë”, tha Berisha.
Berisha: Ramës po i vjen fundi, do vijë t’u bëjë shurrën te dera e selisë
“Si përfundim shakaxhintë vazhdojnë të bëjnë rrugaçin në Parlament. Njeriu që i pengoi shqiptarët 2 vite për të votuar tre ligje, i pengoi edhe sot duke u përpjekur të kapë reformën në Drejtësi. Këto janë muajt e fundit në pushtet dhe i them se qenit kur i vjen fundi shkon e bën shurrën në derë të selisë. Edhe pasi të humbë zgjedhjet nuk ikën ai jo”, tha Berisha.
Reagimi i Ditmir Bushatit ndaj Berishës:
Në përgjigje të deklaratave të ish-kryeministrit Berisha, ministri i Jashtëm Ditmir Bushati theksoi se kjo qeveri do t’i hapë negociatat me Bashkimin Europian. Nga foltorja e Kuvendit, ministri Bushati tha se opozita shqiptare është e vetmja në botë që mendon se mund të fitojë me humbje. Po ashtu Ministri i jashtëm Ditmir Bushati reagoi edhe ndaj Berishës në lidhje me deklaratat e tij për Kosovën.
Bushati: Kjo është e vetmja opozitë në botë që nuk lë qeverinë të flasë. Dua ta nis shumë shkurt nga disa gjëra shumë të rënda që u thanë. Është hera e dytë që ish kryeministri deklaron një gjë shumë të rëndë… Gjykata kushtetuese që mori vendim me shumicë për të rrëzuar marrëveshjen detare me Greqinë, paska qenë nën hyqmin e palëve të treta, kjo është një deklaratë shumë e rëndë. Kjo është një mufkë!
E dyta, vendosi disa kushte antikombëtare dhe një barazi mes Tiranës dhe Beogradit përsa i përket Prishtinës që nuk ka guxuar askush ti bëjë në këto 26 vite. Këtë njeri sic erdhi këtu dhe deklraoi autonominë e Preshevës dhe na kërkoi dhe neve rezolutë…por jam i sigurt se këtë njeri nuk e dëgjon më.
Janë disa procese që kalojnë përtej raporteve Shqipëri-Serbi, prandaj duhet të kemi shumë kujdes kur marrim përsipër të flasim, të mos nxjerrim mufka nga goja këto gjëra.
Ju jeni e vetmja opozitë në botë, që keni akuzuar shefen e BE-së në vend si të lidhur me organizimin e drogës, madje edhe e keni botuar në organin tuaj zyrtar të shtypit… më ka ardhur mua turp, e jo më…!
Kij kurajon të flasësh për progres raportin dhe thuajse, nuk jam dakort me KE-në, thuaj që nuk jam dakort që të happen negociatat me BE-në, dil këtu dhe thuaje atë që mendon.
DEBATET Berisha-Bushati:
Berisha: Sot vendi nuk ka qeveri. Dëshmia më flagrante e kësaj është fjalimi me kokë në tepsi që mbajti kufoma e pakallur që quhet kryetar qeverie sot. E kuptova mirë hallin e tij, e ka të qartë se e ka kokën në tepsi nga ky raport, i cili në çdo rresht, në çdo fjalë, e çdo kapitull i thotë se me ty nuk ka negociata. Se negociatat do t’i hapë PD, do t’i hapë opozita.
Berisha-Bushatit: Mor fundërrinë, mor këlysh i bllokut, mor fundërrinë, akuzohesh për gylenist, njëherë për kështu…
Bushati: Turp të të vijë.
Berisha: Nëse rrugëçër si ky këtu të rritur nga ata që s’po ia them emrin u jepet fjala në këtë mënyrë, të rritur nga kodoshët, lihet të flasin në këtë mënyrë…
Bushati: Shih rrugaçin që ke në shtëpi, mos ma bëj mua me gisht.
