Ish-kryeministri Sali Berisha ka zhvilluar një takim virtual me disa emigrantë në Shtetet e Bashkuara të Amerikës. Në fjalën e tij, Berisha u ndal edhe tek përjashtimi nga grupi parlamentar i PD-së. Sipas tij, Basha me kërkesë edhe të DASH donin ta pengonin që të futej në parlament, por pasi dështuan ai thotë se u përjashtua.
Sali Berisha thotë se pasi PD u shndërrua si shtojcë e qeverisë atëherë filloi lëvizjen e tij.
Zoti Blinken ka të drejtë të përcaktojë se cili mund të hyjë ose jo në SHBA, por nuk ka të drejtë të diktojë të hyjë apo jo në parlamentin shqiptare. Ndaj dhe unë për të rivendosur sovranitetin e PD rivendos atë si opozitë e vërtetë”, tha Sali Berisha.
Po ashtu ish-kreu i PD-së tregoi edhe arsyet pse sipas tij u shpall non grata nga Shtet e Bashkuara të Amerikës. Ndërsa theksoi se projekti ishte që PD të shndërroheshe në aleatë të PS.
Unë u shpalla non grata dhe për një arsye tjetër madhore, tre javë pasi partia që unë mbështet humbi zgjedhjet. Projekti ishte që kjo parti të shndërroheshe në aleatë të PS. Unë këtë nuk e pranoja.
Nëse ky vend humbet dhe opozitën kjo do ishte tragjedi e madhe për këtë. Si veprova? Unë vendosa ti drejtohem gjykatës dhe hodha në gjyq për shpifje sekretarin e shtetit që kishte firmosur vendimin. E mbajta një çështje personale dhe kërkova që askush mos merrej me këtë pune. Fillova një fushatë informimi, me qëllimin e vetëm për tu thënë se është abuzuar rënde me ligjin e kongresit. Ligji nuk parashikon shpallje non grata pa fakte.
