Ish-kryeministri Sali Berisha shkruan në faqen e tij në Facebook se Tirana kaloi mbrëmë një natë terrori, ndërsa ministri Tahiri ishte në disko dhe kryeministri Rama po ndiqte ndeshjen e Juventusit.
“Edvin Shullazi krifet kurse Tirana mbrëmje nën breshëri kallashi, bombash, tritoli, kapuçonesh, atentatesh dhe vrasjesh! Të dashur miq, krimi në revansh në kryqendrën e vendit. Tirana ishte mbrëmë një qytet i pushtuar nga fallanga e krimit. Ajo përjetoi mbrëmë një natë terrori të vërtet. Në zemër të saj, zonën më të frekuentuar dhe populluar u vra ish polici A. Z. dhe vrasësi me kapuçon të zi u largua serbes dhe i qetë. Tek “Komuna e Parisit” vrasës të tjerë derdhën breshëri automatiku mbi biznesmenin L. K. dhe u larguan pa ndonjë kokëdhimbje. Përveç këtyre, në rrugën “5 maji” u hodhën në erë me bomba dhe tritol një eskavator dhe 200 metra me tutje një gabinë elektrike. Saje qorri thuhet se ishte në një diskotekë, kurse Rama nga luksi i tij në Sarajet e Surrelit, vetëm pigmenti i betonit të të cilave thuhet se ka kushtuar mbi 80 mije euro, po ndiqte me emocion dhe pasion Juven. Rendi dhe siguria juaj dhe e fëmijëve tuaj sot janë në duart e krimit. Vetëm revolucioni demokratik mund të rikthejë qetësinë, rendin dhe sigurinë që meritojnë qytetarët shqiptare! Sb”- shkruan Berisha.