Ish-kryeministrri Sali Berisha ka hedhur akuza të forta në Kuvend në drejtim të kryeministrit Edi Rama dhe kryetarit të PD-së, Lulzim Bashës. Tallje me shqiptarët e quajti komisionin hetimor për inceneratorët.
Sipas Berishës, Klodian Zoto dhe Stela Gugallja janë mbajtur të fshehur në Lushnje deri para dy ditësh. Berisha tha se Rama dhe Basha janë të zhytur në aferën e inceneratorëve dhe ky i fundit nuk ka lejuar denoncimet.
“Pas tre muajsh zero hetim sepse janë të zhytura. Është i zhytur si Edvin droga dhe Lulzim brava. Janë bërë 298 denoncime që të gjitha mbeten në heshtje sepse Lulzim brava i implikuar në këtë aferë vetëm inekstremis lejoi që të publikohen një apo dy herë deklarata nga PD. Nuk ka aferë më flagrante vjedhje të përbashkët në Shqipëri. E kanë mbajtur në Lushnje Zoton dhe Gugallën të fshehur deri para dy ditësh dhe i kërcënonte. Kjo aferë duhet të hetohet. Natyrisht kushti i parë nga deputetët që nuk kanë asnjë lidhje me aferën sepse këtu në të dyja anët brava është me të dy këmbët. Na thuaj pak çfarë janë udhëtimet tij me Zoton? Pse nuk lejonte denoncimet”, deklaroi Berisha.
Berisha gjatë fjalë së tij u shpreh kundër ligjit që po diskutohet në parlament mbi rivlerësimin e pasurive të paluajtshme dhe u shpreh se është e nevojshme që lufta për pastrimin e parave ta nis punën me hetimin e kreut të qeverisë dhe shefit të opozitës.
“Mendoj se parlamenti duhet të ndalet, me dy krerët e “Meduzës” së larjes së parave, kreun e Meduzës Edvin Kristaq Rama për larjen e 200 milionë eurove në zonat ofshorë të cilën nuk e përgënjeshtroi kurrë. Jo më pak Lul Brava, për pastrimin e parave i cili mbylli çështjen në prokurori. Një Komision Hetimor është i nevojshëm për kreun e “Meduzës” dhe Lul Bravës. Më mirë është parlamenti ta bëj këtë gjë”– tha Berisha.
g.kosovari
