Ish-kryeministri Sali Berisha më në fund është takuar me ambasadorin amerikan në vendin tonë Donald Lu. Edhe pse ka disa muaj që diplomati amerikam ndodhet në vendin tonë, takimi mes tyre është zhvilluar vetëm ditë e sotme.
Kjo është bërë e ditur nga vetë Berisha në Facebook i cili shprehet se Donald Lu e ka vlerësuar atë për konsolidimin e shtetit ligjor në vend.
“Te dashur miq, dje paradite prita ne nje takim ambasadorin amerikan, zotin Donald Lu, me te cilin diskutova per dekriminalizimin, luften kunder krimit te organizuar, korrupsionit ne Shqiperi, rendesine jetike te trajtimit dhe zgjidhjes se ketyre çeshtjeve madhore. Çeshtje tjeter e rendesishme qe u diskutua ne kete takim ishte reforma ne drejtesi dhe rendesia e madhe e kesaj reforme per funksionimin e shtetit ligjor dhe garantimin e lirive dhe te drejtave te qytetareve. Ne kete takim shfrytezova rastin ti shpreh mirenjohjen e thellle Ambasadorit Lu per angazhimin dhe perkushtimin e tij ne zgjidhjen e problemeve madhore te vendit si dekriminalizimi, reforma ne drejtesi dhe lufta kunder krimit dhe korrupsionit. Ambasadori Lu, pas nje diskutimi te zgjeruar per keto probleme, me shprehu falenderimet per mbeshtetjen qe kam dhene per keto çeshtje te rendesishme per konsolidimin e shtetit ligjor dhe te ardhmen e tij”, shkruan Berisha.
