Gjyqtari Gjin Gjoni është bërë objekt debati mes Ish kryeministrit Sali Berisha dhe Ministrit të Brendshëm Sajmir Tahiri. Berisha ka marrë në mbrojtje Gjin Gjonin duke i thënë Tahirit se përpara se të përmendë emrin e gjyqtarit duhet të lajë gojën. Sakaq, Tahiri ka theksuar se Gjoni u ka marrë shpirtin njerëzve në dyert e gjykatës.
Debati
Tahiri: Jam super i ndërgjegjshëm, dhe i vetëdijshëm dhe i gatshëm që të përballem me ty, tët bijë e tët bir para drejtësisë për cdo lloj gjëje, mjafton të mos ketë Gjin Gjonëra, që drejtësia të bëjë drejtësi.
Berisha: Përsa i përket Gjin Gjonit, duhet të lash gojën kur të përmendësh emrin e tij…
(Hilaritet në Sallë, qeshin deputetët e mazhorancës) Gjin gjoni pati kurajon ti nështrohet të gjtihë procesit ligjor për akuzat tuaja monstruoze dhe faktoi se ato ishin shpifje të ulta të ngritura nga kryemobi Rama. Kurse ti, fsheh pasurinë sepse ke frikë se do ta marrë përmbaruesi.
Tahiri: Nuk dua ta besoj se Gjin Gjoni është versioni juaj për reformën në drejtësi. Një gjyqtar që gënjen me pasurinë. Një njeri që u ka marrë shpirtin njerëzve në dyer te gjykatës. Shqiptarët meritojnë drejtësi të vërtetë dhe jo Gjin Gjonër në drejtësi. Ndryshoni qëndrim dhe kuptoni që reforma në drejtësi është për t’i dhënë drejtësi shqiptarëve.
