Kryetari i Partisë Demokratike ka reaguar përmes një statusi në rrjetet sociale për gjendjen e rënduar shëndetësore të Kryepeshkopit, Janullatos.
Ai ka kërkuar bashkimin e lutjeve të të gjithë besimtarëve për shërimin e shërbëtorit të Zotit.
“Fort lumturia e tij, Kryepeshkopi i Tiranës, Durrësit dhe i gjithë Shqipërisë është në spital, në gjendje kritike. Ju ftoj të bashkojmë lutjen tonë me të gjithë besimtarët ortodoks dhe të gjithë besimtarët shqiptarë, për shëndetin dhe shërimin e këtij shërbëtori të pakursyer të Zotit, që me dashuri dhe përkushtim hyjnor bëri aq shumë në ringjalljen e Kishës Ortodokse Autoqefale të Shqipërisë”, shkruan Berisha.
