Pas deklaratës së djeshme të ambasadorit gjerman Helmut Hofman mbi bashkëpunimin me qeverinë, ka reaguar përmes një statusi të gjatë në facebook ish-kryeministri Berisha .
Berisha kritikon ambasadorin gjerman i cili sipas tij nuk trajton problemin e azil kërkuesve por flet për bashkëpunimin me qeverinë Rama. Berisha thotë se është qeveria me politikën e saj që ka çuar në ikjen e shqiptarëve nga vendi, ndaj Berisha është i habitur që ambasadori Hofman shprehet në atë mënyrë.
“Personi i vetem, mendoj qe ka reaguar me shume dhe eshte perpjekur t’u thote te verteten shqiptareve ne menyre te perseritur gjate ketyre muajve eshte ambasadori i Gjermanise, i vendit qe ka dhe kerkesat me te medha per azil politik nga shqiptaret.
Por ajo qe te habit eshte deklarata e djeshme e kenaqesise se tij ne bashkepunimin ne kete fushe me qeverine Rama, nderkohe qe shifrat e azilkerkuesve nga Shqiperia, vecanerisht ne vendin e tij, jane rritur e po rriten shume e shume here. Nje vale te tille kerkesash per azil politik nga qytetare te Shqiperise, Gjermania mike ka njohur vetem ne korrik te vitit 1990. Ne kete rast mendoj se vend per kenaqesi do te kishte ne rast se si frut i ketij bashkepunimi do kishte ndodhur e kunderta. Te besosh se me masa shtrenguese policore mund ti japesh pergjigjen e duhur kesaj krize te rende sociale qe shpertheu kete pranvere per shkak te shkaterrimit te tesutit te brishte social te shoqerise shqiptare nga politika te deshtuara, veçse i hedh kripe plages tone sociale dhe bene thjeshte nje avokati te pavlere dhe te pamerituar te qeverise pergjegjese per eksodin me politikat e saj eksodogjene dhe siç provojne te dhenat e vet Gjermanise nuk ndikon aspak ne zvogelimin e permasave te krizes.”, shkruan Berisha në facebook.
