Kryeministri Edi Rama dhe paraardhësi i tij Sali Berisha nuk lënë temë pa shkëmbyer replika dhe këtë radhë e kanë bërë për ligjin “Për kthimin e kompensimin e pronës”.
Ishte ish-kryeministri që si gjithnjë akuzoi qeverinë se nuk i ka dhënë asnjë kacidhe ish-pronarëve. Madje sipas Berishës, i vetmi që ka përfituar nga kompensimi është Koço Kokëdhima.
“Asnjë kacidhe nuk i keni dhëne ishpronarëve, kompensuat vetëm Kokëdhimën. Ky është dështim i madh, total. Duhet të quhet neni i dështimit të qeverisjes. Asnjë vendim nuk keni dhënë veçse shpronësimit të Kokëdhimës, grabitjes së 18 mijë hektarëve tokë, të caktuar nga qeveria e mëparshme për të kompensuar pronarët. Tani doni të shpërbleni njëritjetrin me to”. tha ai
Por nga ana e tij kryeministri Rama akuzoi opozitën se e ka bërë çorap çështjen e kthimit dhe kompensimit të pronave. Duke iu drejtuar opozitës, shefi i qeverisë tha se ata drejtohen nga Berisha, që e cilësoi si i fundmi i pleqve që shkojnë nga liqeni për të spiunuar.
“Për sa kohë që drejtoheni nga i fundmi i pleqve që shkojnë nga liqeni për të vënë syrin e për të parë çiftet kur bëjnë dashuri, e që disa i dërgonin te sigurimi, e disa të tjerë duke i parë bënin veprimet e nevojës së brendshme” tha Rama.
Redaksia Online
(JavaNews.al)