Doktori i fut gjithmonë ngapak shije “hot” fjalimeve të tij. Përkundër moshës së shtyrë, ai i ka shumë qejf thashethemet për jetën private të të tjerëve. Kjo është një gjë e njohur në karrierën e tij politike. Në seancën e sotme Berisha foli edhe për një porosi që është shpërndarë nëpër mbledhjet e qeverisë, për të fshehur “historinë rozë të ministrit”.
As emër, as e dhënë konkrete. Asgjë prej gjëje, por vetëm një akuzë në ajër, sa për të mbushur faqet e mediave me lajme të minutës së fundit nga parlamenti. Në këtë fushatë relativisht të qetë, Berisha duket se po përpiqet që të mëshojë sa të mundet mbi nxehjen e situatës dhe përplasjen mes palëve. E për këtë mesa duket ai përdor çfarëdo mjeti që i shkon në mendje.
