Ish-kryeministri Sali Berisha ka mbajtur një fjalim nga çadra e protestës, aty ku është mbledhur grupi parlamentar i PD.
Ai ka ashpërsuar deklaratat teksa tha se “Do ta fshijmë nga faqja e dheut, Edi Ramën…Edi Ramën dhe drogën”.
Berisha tha se në shesh do vendosin qytetarët për largimin e Ramës dhe se nga kjo betejë nuk do ketë tërheqje. Ai ka parlajmëruar për aplikimin e çdo forme të mosbindjes civile.
“Kjo betejë shtë betejë vendimtare në të cilën ne nuk humbasim dhe nuk mund ta humbim kurrë. Sot jemi këtu për momentin disa qindra, por Edi Rama ta ketë të qartë se në çdo moment që të vendosin këta qytetarë këtu, ky bulevard do ketë qindra-mijëra. Merri këto ditë pra si ditë mëshire që ti nuk i meriton. Te them si ditë mëshire se dua ta kesh të qartë, fundi yt është ose burgu ose fataliteti, rrugë tjetër nuk ke. Poshtërimit që i kë bërë Shqipërisë dhe shqiptarëve, dhunimin që u bëre zgjedhjeve të 2015-ës, kriminelët që solle në pushtet, janë të gjitha akt-akuza të këtij populli. Ti meriton të kalbesh gjithë jetën në burgje. Por ke dhe alternantivë, me lecka do kthehesh dhe do përfundosh në ujrat e Lanës, aty ku ke vendin. Ky revolucion duhet ta ketë të qartë se kjo gjendje e tmerrshme në të cilën ky bandit ka zhytyr vendin, kjo nuk shqitet me thirrje, por me të gjitha format e mosbindjes civile. Për ta shporrur ‘Eskobarin’ nga pushteti. Edi Rama i ka bërë gjëmën vendit. Sot vendi thirret ‘Kolumbia e Evropës’”, deklaroi Berisha.
Berisha lëshoi një akuzë të re ndaj kryeminsitrit Rama kur tha se magazinat e shtetit janë mbushur me kanabis i cili nuk asgjësohet por trafikohet.
“Që të gjitha magazinat e ushtrisë, të gjitha magazinat e policisë e rezervave të shtetit janë mbushur me kanabis”, deklaroi Berisha.
