Prej disa ditësh, Partia Demokratike ka nisur një fushatë kundër kryebashkiakut Erion Veliaj duke kritikuar çdo projekt apo aktivitet të realizuar nga ana e Bashkisë së Tiranës. Vetëm dje janë postuar prej Sali Berishës në profilin e tij në Facebook 4 postime kundër kryebashkiakut Veliaj, por menjëherë gjithçka i është kthyer në boomerang.
Jo vetëm që qytetarët e kanë kritikuar për deformimet që i bën realitetit, por i kanë kërkuar që të ngrihet në lartësinë dhe përgjegjësinë që i takon një ish-kryeministri dhe ish-Presidenti. Dhjetëra qytetarë të thjeshtë, kanë replikuar me Berishën, duke vlerësuar punën e kryebashkiakut Veliaj dhe i kanë kërkuar që të jetë mirënjohës për transformimin që ka pësuar Tirana në këto dy vite. “Gabim e ke z. Berisha. Me gjithë respektin për Ju. Erion Veliaj ka punuar në Tiranë dhe kjo është e dukshme dhe duhet të jeni mirënjohës të gjithë në radhë të parë si banor të Tiranës”, shprehet Faton Murseli.
Të tjerë nuk kanë hezituar që të ironizojnë edhe Lulzim Bashën duke e etiketuar si “dembelin” e Sali Berishës që nuk bëri gjë tjetër veçse fjeti gjumë, teksa theksojnë për Berishën se “pleqëria bën të vetën”. “Sale ty te vjen inat se ka punuar më shum se ai dembeli jot që fjeti gjum për katër vjet ty nuk të vë faj se po të ikën çdo gjë nga kontrolli Edhe pleqeria ben punen e vet”, shkruan Besnik Kola. “Kesaj i thon “Ske cfarë i bën gomarit dhe i bie samarit” kjo video qe keni postuar është budallallëk”, komenton Enedio Kordalli.
