Sali Berisha tha sot se 4200 firmat e delegatëve që ka mbledhur do t’ia dorëzojë Edi Palokës, nën cilësinë e kryetarit të Këshillit Kombëtar.
Ai tha se ndërkohë që nisma e tij po avancon, peng-kryetari s’e ka mbledhur akoma Kryesinë.
Berisha kërkoi që të ruhet privatësia e atyre që kanë firmosur, pasi në formularë ka të dhëna personale.
“Vetëm Kuvendi mund t’i vërtetojë firmat dhe formularët. Këto pastaj do të transferohen të mbrojtura në zyrën e Palokës dhe ditën e Kuvendit do të jenë në sallën e Kuvendit të PD’” – tha Berisha.
Ai shtoi se askush s’mund t’i verifikojë firmat, por mund të vërë në dispozicion një karrige në Kuvend ku të krahasohen LIVE të dhënat e formularit me delegatin që voton në Kuvend.
Ne menyre direkte Berisha tha se:
“Në këto janë kam pasur fatin e madh së bashku me bashkëpunëtorët, të takohem me dhjetëra mijëra demokrate e demokratë. Kam konstatuar vendosmërinë e tyre për tu ngritur, besimin se vota e lirë janë themeli i rindërtimit të PD. Delegatët e Kuvendit kombëtar firmosën masivisht formularin e dorëzuar për të thirrur ditën e themelimit të PD, Kuvendin, e rithemelimit apo si të duani quajeni, por që do të bëjë opozitën më vigane që ka pasur ndonjëherë. Në respekt për publikun, këtu kemi sjellë 4200 formularë e 4200 delegatëve të Kuvendit të PD, nga 1800 që është detyrimi Staturor për të thirrur këtë Kuvend. Por pse shkuam kaq shumë, dhe vazhdojnë firmat, për të respektuar vullnetin e shumicës.
Këtu kemi një shumicë jo vetëm të PD-së, por de facto të Shqipërisë. Grupi përfaqësues i frimëtarëve ka vendosur që këto formularë historikë të rithemelimit të pluralizmit politik ti depozitojë në selinë e PD, të kryetari i Këshillit Kombëtar të PD, z.Edi Paloka. Do thoni pse kjo përzgjedhje? I vetmi institucion apo forum Brenda saj i konstituar pas Kuvendit është Këshilli Kombëtar. Vetë kryetari nuk ka mbledhur akoma Kryesinë e PD-së. Këshilli Kombëtar është forumi më i lartë pas Kuvendit, është konstituar dhe ka bërë një mbledhje. Verifikimi i mandateve sipas rregullit të cdo Kuvendi bëhet dhe ju lutem ta fiksoni mirë, bëhet vetëm nga Kuvendi. Vetëm Kuvendi ka të drejtën statutore të verifikojë mandatin e zonjës apo zotërisë që ka firmosur formularin”./javanews/a.r
