Njesoj si Donald Trump, edhe Sali Berisha qe pret t’ia heqin non-graten ka pemtuar zhdukjen e termave Prindi 1 dhe Prindi 2. Madje ka shkuar me tej, duke garantuar denimin e atyre qe i perdorin keto terma.
Në mbledhjen e grupit parlamentar të PD ai deklaroi se “ne kemi përgatitur një ligj në kuadrin e desorosizimit që dorëzojmë sot, me të cilin sanksionojmë se Republika e Shqipërisë njeh dy gjini, ato që i ka bërë Zoti, mashkull dhe femër”.
“Në mënyrë që t’i japim fund çdo lloj tentative dhe përpjekje. Ligji tjetër me dënim, ai që flet për Prindin 1 dhe Prindin 2. Do ketë dënime”, tha Berisha.
“Këto janë vetëm fillimet, këta e kanë shtrirë në shkolla, e kanë shtrirë në falsifikimin e historisë, “woke” është bërë një rrymë e veçantë jo vetëm në media, por është degëzuar në shumë drejtime. Lufta me kulturën “woke” do jetë një betejë pa kompromis e jona. Është beteja për të vërtetën. Ne nuk kërkojmë asnjë deformim. Gjërat, siç janë”, shtoi më tej kreu i PD-së.
