Anëtarja e kryesisë së Partisë Demokratike, Edith Harxhi, ka folur lidhur me atë çfarë është duke ndodhur në Shtetet e Bashkuara të Amerikës si dhe vendimet që presidenti Donald Trump është duke marrë çdo ditë.
E ftuar në studionin e emisionit “Now” në Euronews Albania, Harxhi u ndal te “non-grata” për ish-kryeministrin Sali Berisha, e cila sipas demokrates tanimë me ardhjen e Trump në pushtet e ka humbur fuqinë.
Sipas saj çështja e “non-gratës” ndaj Berishës nuk ka më vlerë, pasi sipas asaj që Harxhi thotë sponsori kryesor ka qenë George Soros të cilit Trump i ka shpallur luftë të hapur.
“Nëse hiqet apo nuk hiqet, apo kurdo që të hiqet “non grata”, ajo aktualisht e ka humbur vlerën e saj. Me ardhjen e administratës së re të presidentit Amerikan, me luftën që ai i ka hapur DeepState-it amerikan dhe George Sorros, i cili ka qenë sponsor kryesor i “non gratës” për Sali Berishën dhe për sa kohë kjo non gratë ka qenë një “non grata” administrative brenda Departamentit të Shtetit dhe pa sanksionet e Thesarit, kjo është një çështje e mbyllur tashmë. Nuk ka më vlerë”, tha Harxhi, teksa ndër të tjera u përfshi në një debat me analistin Ergys Mërtirin i cili iu drejtua duke i thënë se po përpiqen që “t’ua shesin shqiptarëve Sali Berishën si viktimë”.
Mërtiri: Këta thonë që është e korruptuar Amerika, Europa, Anglia, sigurisht Edi Rama dhe për këtë jam dakord, SPAK-u dhe i vetmi iu pa korruptuar në gjithë këtë hamalganë është Sali Berisha. Nëse ju ja u shisni këtë shqiptarëve dhe ju besojnë. Sali Berisha mund të thotë që po çliron Amerikën.
Harxhi: Po, është i pa korruptuar dhe viktimë. Po jo, Amerikën nuk po e çliron Sali Berisha, Amerikën po e çliron Donald Trump.
