Për këtë deklaratë ka ardhur sot edhe një reagim i kryeministrit Edi Rama ku përmes një video me buf dëgjohet një pjesë nga fjala e Berishës ku thotë se bufi është simbol i mençurisë që nga Greqia dhe Roma e lashtë.

“Ky është një simbol i mençurisë, i diturisë dhe i vendimit jo në shekuj, por në mijëvjeçar. Çfarë varfërie dhe shkretie kulturore ka njeriu që e citon që e quan Sali Berishën çdo ditë me emrin e simbolit më të arrrirë të dijes, mençurisë dhe vendimit të Greqisë së lashtë, të Romës së lashtë. Edi Rama mendon se mund të fyej mua duke më quajtur buf. Injoranca nuk është argument. Me kaq e mbyll këtë konferencë për shtyp”, ishte një pjesë nga fjala e Berishës.

Kreu i qeverisë shprehet se bufi i greko-romakëve s’ka lidhje me kënetën.

“Eh eh eh… ai i Greko-Romakëve quhet Bufi i Vogël (Athene noctua) e s’ka asnjë lidhje me kënetën, ndërsa ky i madhi që u ka rënë për hise shqiptarëve si peshqesh nga llumi i komunizmit në mes të Tiranës, quhet Bufi i Kënetës (Strix varia) prandaj edhe populli “o Buf Kënete!” e përdor si për të thënë “Ç’më rri aty akoma”, shkroi Rama.