Avokati i njohur Spartak Ngjela ka reaguar një ditë pasi Sali Berisha njoftoi se janë dorëzuar në zyrën e kryetarit të Këshillit Kombëtar, Edi Paloka, formularët me firmat e delegatëve që kërkojnë të mblidhet më 11 dhjetor Kuvendi Kombëtar i PD-së.
Në një postim në rrjetet sociale, Ngjela ngre pyetjen nëse firmat dhe emrat e atyre që kanë firmosur do të bëhen publike.
Lidhur me zërat në PD që kanë deklaruar se gjithë procesi që ka organizuar Berisha për mbledhjen e firmave është fals, Ngjela kujton se falsifikimi firmave është vepër penale dhe ndër të tjera pyet nëse lideri i demokratëve Lulzim Basha do ta denonconte në SPAK këtë.
Postimi i plotë nga Spartak Ngjela
Berisha deklaroi se i mblodhi firmat e nevojshme për të mbledhur Kuvendin Kombëtar.
Por janë të shumtë ata në PD që thonë se gjithçka është fals.
Po ku janë firmat dhe emrat e firmëtarëve, do të bëhen ato publike?
Falsifikimi i firmave të këtij procesi është vepër penale. E di Berisha këtë?
Atëherë…
Po Basha, si kryetar partie, a do ta denoncojë në SPAK këtë vepër penale?
Të shohim
g.kosovari
