Lulzim Basha dhe Sali Berisha rrezikojnë të përjashtohen nga listat e Partisë Demokratike, pasi janë të vetmit deputetë që nuk kanë dorëzuar ende formularin e dekriminalizimit.
KQZ ka publikuar ditën e sotme listën e plotë me të gjithë kandidatët e propozuar nga PD, sipas të gjithë Qarqeve dhe përkrah çdo emri, figuron formulari i plotësuar i dekriminalizimit.
Ajo që bie në sy është fakti se vetëm dy liderat, ai aktuali dhe ai i mëparshmi bëjnë përjashtim, pasi përkrah emrit të tyre nuk figuron asnjë formular dekriminalizimi.
Arsyet për këtë mbeten ende të paqarta, por nëse do të zbatohet ligji pikë për pikë, sot Basha dhe Berisha duhet të s’kualifikohen, pasi ka kaluar afati në të cilin mund të paraqiten listat e dekriminalizimit. /b.d
