Dje ish-kryeministri Sali Berisha ka publikuar në llogarinë e tij në “Facebook” disa foto të një makine tip “Audi” ku pretendon se brenda saj ka pasur sasi kokaine e cila sipas Berishës, është në pronësi të kreut të Partisë Socialiste në Kavajë, Gentian Daja.
Por si qëndron e vërteta për rastin në fjalë? Burime nga Policia e Shtetit pohojnë për Lexo.al se makina në fjalë nuk është në pronësi të kreut të PS-së Kavajë, z. Gentian Daja, dhe për më tepër, burime të sigurta bëjnë me dije se në makinën tip “Audi” nuk është gjetur asgjë e paligjshme.
Nga ana tjetër, burime thonë se arsyeja e ndalimit të shtetasve me “Audi” ka qenë një procedim ndaj tyre i para disa viteve, që nuk ka asnjë lidhje me Dajën apo me historitë që trillon Berisha nga 17-katëshi. Siç shihet edhe nga dokumenti i mëposhtëm makina tip “Audi” është në pronësi të shtetasit me inicialet B.Q. /b.d