Sali Berisha ka braktisur sallën e Kuvendit të Shqipërisë teksa po mbahet takimi i përbashkët i dy parlamenteve Shqipëri-Kosovë.
Duke folur për mediat, ai tha se Edi Rama ka vrarë shpresën e shqiptarëve dhe përbën rrezik kombëtar.
“Pas Enver Hoxhës, ai është armiku më i rrezikshëm i popullit shqiptar. Edi Rama meriton titullin Vaso Çubrilloviçi i Artë. Ai po shkatërron identitetin e shqiptarëve” – tha Sali Berisha.
I pyetur përse e braktisi Kuvendin, Berisha u justifikua se:
“Ika që të përfaqësoj para jush popullin opozitar dhe ato qindra e mijëra familje kosovare që ndihen të tradhtuara” – tha ai.
Berisha shtoi se protesta e 6 dhjetorit do të mbahet para Kryeministrisë dhe shtoi se Bashkia e Tiranës nuk duhet të përfshihet atë ditë.
“Unë e di që Edi Ramës i intereson dhuna atë ditë, por të mos provokojë” – tha ai.
/a.r