Nuk është hera e parë që ish-kryeministri Sali Berisha në maninë e tij për të akuzuar kryeministrin Edi Rama, bie pre e grackave të rrjeteve sociale.
Por këtë radhë nuk është faji i rrjeteve sociale, apo të të ashtuquajturit “qytetar dixhital”. Në një nga postimet e bëra ditën e djeshme Berisha akuzonte Ramën se vendi po përmbytet e ndërsa Rama ndodhet në New York.
Dhe përpos akuzës, ish-kreu i PD kishte zgjedhur disa foto ilustruese. Por siç duket, nga zelli i madh për të akuzuar, ish-kryeministri ka zgjedhur foto nga përmbytjet e shpeshta dhe të rënda që kishin mbërthyer veriun e vendit, pikërisht në kohën kur ai qeveriste.
Bëhet fjalë për përmbytjet në Lezhë dhe Shkodër, por në kohën e qeverisë Berisha. Redaksia e Lexo.al, bëri një kërkim të thjeshtë në Google nga ku rezultoi se fotot e përdorura nga Berisha janë të vitit 2011.
Siç shihet edhe nga fotot e sjella nga Lexo.al, situata e ilustruar nga Berisha nuk është e këtij viti, por e vitit 2011, vit kur kur qeveriste ai vetë.
Ndërsa për të ilustruar Ramën në New York, Berisha ka zgjedhur foto të Ramës në Kinë, vizitë kjo e dy viteve më parë.
Siç duket, ish-kryeministri nuk po e kapërdin dot faktin se këtë vit, përmbytjet u menaxhuan më mirë se çdo vit tjetër. Dhe situata e rëndë e ilustruar në foto nga Berisha, janë në kohën që ai qeveriste, por siç dukej në atë kohë atij nuk i përbënin edhe aq shumë përshtypje, ndoshta I verbuar edhe nga pushteti./Lexo.al/a.m.
