Ish Kryeministri Berisha ka akuzuar Ministrin e ri të Financave Arben Ahmetaj si personin i cili ka ardhur në krye të financave për të bërë një krim ndaj qytetarëve, miratimin e marëveshjes së koncensionit për mbledhjen e TVSH-së, që sipas demokratit bëhet nga vëllai i Kryeministrit Rama, Olsi Rama.
Berisha gjithashtu tha se Ahmetaj, është një njeri i cili nuk di asgjë përsa i përket financave dhe se ai në vitin 2005 u largua nga vendi si shkelës i kufirit.
“Ministër që shkarkohet se nuk donte të lejonte një marrëveshje korruptive nuk kam parë unë. A doli se është TVSH e Olsit dhe Edit sepse ai zotëria që hoqët nuk pranonte ta firmoste atë, përshëndes punonjësit e Financave, ndihem krenar për ata që refuzuan dhe pranuan shkarkimin nga detyra për të mos lejuar aferën e fëlliqur të lidhur direkt me kryeministrin e vendit.
Cfarë e lidh atë me financat, në mënyrë absolute po ta marrin në provim ky nuk shkruan dot 5 fjali me korrektëse të doktrinës, financat janë shkencë ekzakte, ndaj dhe ky në financa është si miu në kafaz, ndaj shkon aty. Në 2005 ike nga Shqipëria si shkelës kufiri, e ka arrestuar policia greke si shkelës kufiri, ike në Rumani kërkove azil politik, ky njeri i pagoi shuma marramendëse prokurorit të partisë dhe e mbylli. Ndaj dhe ky atë që s’pranoi ta bëjë Cani e punonjësit e tij merr misionin për ta bërë një njeri që në jetën e tij nuk ka lexuar konceptin minimal të financës së një shteti. Po i detyroni qytetarët t’ju krrejnë me leckat nga zyrat, e kalove herën e parë kufirin me valixhe, nuk e bën dot më. Ti nuk mund ta merrje kurrë këtë mision”- tha Berisha.
Në kundërpërgjigje, Ahetaj i rekomandoi Berishës që të ngrejë një ekip ekspertësh dhe të shohë cdo dokument të firmosur prej tij si Ministër. Dhe, nëse gjen dicka të paligjshme, Ahmetaj do të jetë i gatshëm të japë dorëheqjen.
“Vur një ekip skrutinimi për cdo firmë timen. Jam gati që cdo shkresë që nga dita që kam qenë Ministër i Ekonomisë ti shohësh… dhe nëse gjen dicka të dyshimtë dhe që vërteton dicka, do të jap dorëheqjen.”- tha Ahmetaj.
Debati Berisha Peleshi
“Ju vidhni bashkërisht po patjetër….
Ti zvkryeministër, shkove aty për të bërë avokatin e prerjes kriminale të pemëve në Parkun e Liqenit. Ju jeni një lukuni. Po ç’ punë kishe ti, të bëhesh ushtari Erjon “Velicës”. Ka një etikë mor zotëri. Po çfarë e çon Peleshin të shkojë e të bëjë avokatin e Maznikut?… a ka ndodhur ndonjëherë kjo në histori?! Por sigurisht, kjo ndodh kur vjen puna për të mbushur xhepat.”- tha Berisha.
Por pas kësaj është kundërpërgjigjur Peleshi.
“E pranoj kritikën tuaj, përsa i përket pjesëmarrjes në këtë debat, por cështja është që unë lexova në atë incident, një përplasje të dy modeleve tona. Aty u përplasën dy modele të qeverisjes së territorit. Unë shkova atje për të apeluar që të mos politizohet më cështja e territorit. Të mos bëjmë politikë ku ndërtohet një kënd lojërash.”- tha Peleshi.
Debati Berisha Balla:
Berisha-Ballës: Të nxjerr jashtë!
Beqaj: Je kriminel
Balla: O drejtues i seancës…
Berisha: Ça drejtuesi i seancës ore, seancën e kam unë tani. Se ti, po fole dhe njëherë…dil përjashta, nxirre jashtë se ta rregulloj unë ty.
Balla: Ruaj etikën ore.
Ilir Beqja: Boll ore boll. Mos fol ashtu.
Jozefina Topalli: Mos ndërhy ti.
Beqaj: Mbroni një kriminel këtu…
Sali Berisha: Shiko këtu ti se di të merrem dhe me ty unë…
