Mediat në Serbi nuk e kanë pritur mirë një foto të këngëtares shqiptare Anxhela Peristeri e cila bëri shqiponjën në Festivalin Europian të Këngës.
Madje gazeta Blic e ka konsideruar skandal këtë gjest të artistes.
“Në prag të mbrëmjes së parë gjysmëfinale të Eurovision, e cila po mbahet në Hollandë në Roterdam, kishte një skandal kur përfaqësuesja e Shqipërisë, Anxhela Peristeri, doli para shtypit dhe tregoi simbolin e Shqipërisë së Madhe, ‘Shqiponja me dy koka’” shkruan Blic.
Edhe fustani i kuq ka ngjallur reagimin e mediave serbe, ku “Srbijadanas” shkruan se Anxhela ka kopjuar këngëtaren serbe, Lepa Brena.
“Përfaqësuesja e Shqipërisë në konkursin muzikor “Eurovision” në Roterdam, e cila bëri një skandal kur tregoi një shqiponjë dykrenare, një simbol të të ashtuquajturës Shqipëri e Madhe, në tapetin e kuq, kopjoi Lepa Brena-n”, thuhet në artikull.
/a.r
