Një ngjarje e rëndë për pak mund të ishte kthyer në tragjedi, ku një banesë është përfshirë nga flakët.
Ngjarja ka ndodhur pasditen e kësaj të premteje, rreth orës 16:30 në lagjen “Uznovë”, në qytetin e Beratit.
Mësohet se banesa e personit me iniciale Sh.S., është përfshirë nga flakët.
Menjëherë shërbimet e policisë, zjarrëfikëses dhe ambulanca shkuan në vendngjarje, ku bënë të mundur normalizimin e situatës dhe shuarjen e zjarrit. Nga informacionet paraprake dyshohet se zjarri është shkaktuar nga një bombël gazi. Fatmirësisht mësohet se nuk ka të lënduar në njerëz por vetëm dëme materiale.
Grupi hetimor ndodhet në vendngjarje ku po kryen veprimet e mëtejshme për zbardhjen e plotë të ngjarjes./a.m.
