Një 60-vjeçare nga qyteti i Beratit, ka tentuar t’i japë fund jetës në mënyrën më makabre. Shtetësia, Adriana Gjika është lyer me benzinë dhe më pas i ka vënë flakën vetes. Ngjarja tragjike ka ndodhur në banesën e gruas, e cila ndodhet në lagjen e ‘Mangalemit’.
Sipas të dhënave paraprake, thuhet se Gjika ka marrë djegie të shkallës së lartë në disa pjesë të trupit. Gjendja e saj është mjaft e rëndë. Ndërkaq në banesë e saj ka shkuar polica për të nisur hetimet.
Ende nuk dihet motivi që e detyroi 60-vjeçaren, të tentonte t’i jepte fund jetës në një mënyrë kaq barbare. Mësohet se ajo jetonte prej disa kohësh e vetme në banesë, pasi fëmijët i kishte në emigrim.